Sfera.az xəbər verir ki, Rusiyanın "Rossiya 1” dövlət televiziyasında yayımlanan canlı müzakirə proqramında iştirak edən ekspertlər və moskvayönlü analitiklər xəritədə Rusiyanın Avropaya nüvə raketləri göndərə biləcəyi şəhərləri göstəriblər.

"60 dəqiqə" televiziya proqramında Rusiyadan atılacaq nüvə raketlərinin bir neçə saniyə ərzində Avropanın paytaxtlarına çata biləcəyi bildirilib. Proqramda çıxış edən sağçı siyasətçi Aleksey Juravlyov "Sarmat raketi göndərsək, Britaniya adaları deyə bir şey olmayacaq” deyib.

Verilişin qonağı olan başqa bir siyasətçi Avropanın da nüvə silahı ilə cavab verə biləcəyini söyləyərək, "Müharibə bu nöqtəyə gəlsə, heç kim sağ qalmaz” deyib. Bu açıqlamadan sonra Juravlyov "Biz hər şeyi sıfırdan başlayırıq. Bizi dövlət terroru törətməkdə ittiham edirlər”, - deyə o bildirib.

Televiziyada yayımlanan xəritədə raketlərin Rusiyanın Kalininqrad bölgəsindən göndəriləcəyi təqdirdə raketlərin Berlinə 106, Parisə 200, Londona isə 202 saniyəyə çata biləcəyi bildirilib.

Bir müddət əvvəl Putin ölkəsində inkişaf etdirilən hipersəs raketlərinin bütün müasir müdafiə sistemlərini məğlub edə biləcəyini deyərək, payıza doğru Böyük Britaniyanı vura biləcəklərini bildirmişdi.