“Plastik tullantılara qarşı mübarizədə gənclərin rolunun artırılması” forumu keçirildi - FOTO
![“Plastik tullantılara qarşı mübarizədə gənclərin rolunun artırılması” forumu keçirildi - FOTO](http://old.sfera.az/file/pic/xeber/2022-04/1651232717_8367d5f1-1333-40a7-a1e9-f44211db1c02.jpg)
15:45 / 29.04.2022
797
Azərbaycan Könüllülər
İctimai Birliyi Azərbaycan Respublikasının Qeyri-Hökumət Təşkilatlarına Dövlət
Dəstəyi Agentliyinin dəstəyi ilə "Plastik tullantılara qarşı mübarizədə gənclərin
rolunun artırılması” adlı yeni layihəyə start verib.
Sfera.az xəbər verir ki, layihənin məqsədi gənclər
arasında ekoloji maarifləndirmə işini genişləndirmək, gəncləri ekologiya sahəsində
məlumat daşıyıcısı kimi formalaşdırmaqla onları birgə fəaliyyətə həvəsləndirmək,
gəncləri ətraf mühitin qayğısına qalmağa təşviq etməklə asudə vaxtlarının səmərəli
keçirilməsinə şərait yaratmaq, praktiki yolların tapılması istiqamətində
ekoloji tədbirlər keçirməkdən ibarətdir.
29.04.2022-ci il
tarixində layihə öz işinə "Plastik tullantılara qarşı mübarizədə gənclərin
rolunun artırılması” forumu ilə başlayıb.
Forum Azərbaycanda
plastik tullantılara qarşı birgə mübarizə aparmaq, ətraf mühitin təmizliyinə
fikir verməklə ölkənin turizm potensialını daha da artırmaq məqsədilə hökumət və
maraqlı tərəflər üçün platforma yaradacaq.
Forumda gənclər və
könüllülərlə yanaşı BMT-nin, Azərbaycan Respublikasının Qeyri-Hökumət Təşkilatlarına
Dövlət Dəstəyi Agentliyinin, Ekologiya və Təbii Sərvətlər Nazirliyinin, "Təmiz
şəhər ASC” nin və qeyri-hökümət təşkilatlarının nümayəndələri də iştirak ediblər.
Forumun açılış
nitqini Azərbaycan Könüllülər İctimai Birliyinin prezidenti İmaməddin Quliyev etmişdir.
Daha sonra foruma dəvət edilmiş qonaqlar: Ülkər Süleymanova - Azərbaycan Respublikasının Qeyri-Hökumət Təşkilatlarına
Dövlət Dəstəyi Agentliyinin layihələr üzrə meneceri, Mehman Nəbiyev - Azərbaycan
Respublikasının Ekologiya və Təbii Sərvətlər Nazirliyinin Ekoloji siyasət Şöbəsinin
sektor müdiri Mehman Nəbiyev - Azərbaycan Respublikasının Ekologiya və Təbii Sərvətlər
Nazirliyinin Ekoloji siyasət Şöbəsinin sektor müdiri, Rəşad Hüseynov -
BMT-ninnin Qlobal Kommunikasiyalar Departamentinin Azərbaycan üzrə təmsilçisi,
Samir Mehraliyev - Azərbaycan Respublikasının Gənclər və İdman Nazirliyinin gənclər
təşkilatları ilə iş sektorunun müdiri, Orxan Cabbarov - "Təmiz şəhər ASC”nin
ictimaiyyətlə əlaqələr şöbəsinin müdiri çıxış edərək gəncləri görülən işlər barədə
məlumatlandırılıblar
Forumun ikinci hissəsi panel müzakirələrlə davam edib. Panel müzakirələrin
moderatoru Nahid Quliyev - Azərbaycan Könüllülər İctimai Birliyinin
vitse-prezidenti ekspertləri və forumun mövzusunun aktuallığı barədə
iştirakçıları məlumatlandırılıb. Ekspertlər:
Səyyarə Məmmədova - Azərbaycan Respublikasının Ekologiya və Təbii Sərvətlər
Nazirliyinin Ekoloji Maarifləndirmə və İctimaiyyətlə Əlaqələr Şöbəsinin müdiri,
Orxan Cabbarov - "Təmiz şəhər ASC”nin ictimaiyyətlə əlaqələr şöbəsinin müdiri,Gülsara
Qasımova - Dayanıqlı İnkişaf Məqsədləri üzrə gənc səfir gənclərin suallarını
cavablandırmış və təkliflərini dinləmyıblər.
Forumun sonunda
iştirakçılara Azərbaycan Könüllülər İctimai Birliyi tərəfindən sertifikatlar təqdim
edilib.
Layihənin
davamı olaraq aprelin 30-da Azərbaycan Könüllülər İctimai Birliyi tərəfindən Azərbaycan
Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi
və Sabunçu Rayon İcra Hakimiyyətinin təşkilati
dəstəyi ilə keçirilən "Plastik tullantılara qarşı mübarizədə gənclərin rolunun
artırılması” layihəsi çərçivəsində "Gəlin çimərliklərimizi təmiz saxlayaq”
devizi altında 100-ə yaxın könüllünün iştirakı ilə sahilyanı təmizlik
kampaniyası keçiriləcəkdir.
Kampaniyanın məqsədi
ölkədə və xüsusilə Bakı şəhərində ekoloji problemlərin həllində dövlətə ictimai
dəstək vermək, BMT-nin Ətraf Mühit proqramı modelini ölkəmizdə tətbiq etməklə
qısa zaman ərzində böyük müsbət dəyişikliklər üçün ciddi addımlar atmaq, əhalinin
ekoloji savadlılığını yüksəltməkdir.