“Omicron”nun 4 dəfə çox yoluxdurucu olduğu sübut edildi
13:08 / 09.12.2021
855
"Omicron” ştamı ilə bağlı yeni məlumat açıqlanıb.
Sfera.az bildirir ki, son araşdırmaların nəticələrinə görə, sözügedən variantın "Delta”dan daha yoluxucu olduğu sübut olunub. Belə ki, Yaponiyada Kyoto Universitetinin alimləri Cənubi Afrikanın Quatenq bölgəsindən alınan genləri təhlil edib. Tədqiqata rəhbərlik edən professor Hiroşi Nişiura "Omicron”nun "Delta”dan 4,2 dəfə çox yoluxucu olduğunu açıqlayıb. "Bu variantın həm peyvənddən, həm də təbii olaraq yaranan immunitetdən yayınma ehtimalı yüksəkdir”, - deyə elm adamı əlavə edib.
Qeyd edək ki, bundan qabaq, Nişiuranın araşdırmasında istifadə edilən üsullar sınaqdan keçirilib və uğurlu alınıb. Onun "Delta” ştamı ilə bağlı iyul ayındakı proqnozları da reallaşıb.
Günay Rəsulqızı
Sfera.az