Sfera.az bildirir ki, bu barədə  Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının şöbə müdiri, tibb elmləri doktoru Nuran Abdullayev məlumat verib. Onun sözlərinə görə, tədqiqatın nəticələri bu formada olub:

"”Omicron” və "Delta” variantında "neytrallaşdırılmaya" əsasən: 

- 2 x BioNTech, 2 x Moderna, 1 x AZ /1 x Biontech 6 aydan sonra "Omicron”da 0 %

- 3 x BioNTech - Buster peyvənddən 3 ay sonra 25 %. Bu rəqəm "Delta” variantında isə 95% idi.

Bu rəqəmlər o deməkdir ki, tam peyvəndləmədən 6 ay sonra zəifləmiş immun reaksiya "Omicron”da hardasa tamamən itir. Buster peyvənddən 3 ay sonra isə  "Omicron”da bu təxminən 25% olur. Ümumilikdə isə "Delta” ilə müqayisədə "Omicron”a qarşı effektivlik təxminən 37 dəfə azalır. Bütün bunlar onu deməyə əsas verir ki, "Omicron”a görə mRNT peyvəndlərində "modifikasiya" olunması vacibdir”.

Tibb elmləri doktoru, professor Musa Qəniyev isə sözügedən nəticələrdən sonra, insanlarda sual doğuran əsas məsələyə toxunub. Belə ki, mütəxəssis COVİD-19-a yoluxmayan və ya peyvənd olmayanların "Omicron”a yoluxma halında infeksiyanı necə keçirməsindən söz açıb. O qeyd edib ki, "Omicron” ştamında törənən genom dəyişikliklərinə istinadən, yoluxma halında xəstəlik yüngül keçir:

"ÜST artıq dünyanın 60 ölkəsinin əhatə edən "Omicron”a yoluxma halında, ölümün baş vermədiyini bildirir. Stellenboş Universitetinin məşhur virusoloq alimi Volfqan Preyzerin klinik müşahidələri isə, təsdiq edir ki, bu halda da, yəni yoluxmayanlarda və ya peyvənd olunmayanlarda da xəstəlik yüngül və fəsadsız keçməlidir”.

M.Qəniyev bildirib ki, "Omicron” tezliklə "Delta” ştamını sıxışdırıb ortadan çıxaracaq:

"Necə ki, "Delta” ştamı özündən əvvəlkiləri sıxışdırıb çıxardı. Yoluxdurma sürəti yüksək, patogenliyi zəif, letallıq əmsalı sıfıra bərabər olduğundan, çox tezliklə kütləvi immunitetin yaranmasına səbəb olacaq. Bu isə pandemiyanın sonu deməkdir”.