Sfera.az bildirir ki, bunu müğənni Nura Suri deyib. O bildirib ki, xeyriyyə konsertlərinə getsələr də, imkansızlara yardımlar etsələr də,  söyülən də, qadağa qoyulan da nəticədə müğənnilər olub:

"Hər bir müğənni gördüyü işlərin bir gün dəyərləndirəcəyinə ümid edib ki, ad veriləcək, heç bir sənətçi başqa maraq güdməyib. Bəzi ad alan müğənnilərin heç biri dövlət başçısının görmədiyi tədbirə getməyiblər. Hər yerdən xeyir güdüb pul qazanıblar ancaq. Bəziləri kiminsə toy məclislərində oxuya-oxuya ad alıblar. Heç vaxt bir konsertləri belə olmayıb. Keçmiş mədəniyyət nazirinin müğənnilərə qoyduğu dəyər göz önündədir, artıq şərhə heç ehtiyac da yoxdur”.

 

İfaçı bir qadın, müğənni, aparıcı kimi çox əzildiyini etiraf edib:

"Amma heç vaxt öz problemlərimdən yazmamışam, başqalarını düşünüb yazmışam. "Bir gün haqq-ədalət yerini tutar” deyə düşünüb səbr etmişəm. Bu gün isə, 3 il əvvəl yazdığım statusuma çimərlik geyimində şəklimi yapışdırıb paylaşıblar. Bəsdirin, bizdən şərh, reytinq xatirinə istifadə etdiniz. Mənim valideynlərimin hər kisi qazidirlər, heç olmasa onlara hörmət qoyun. Bütün saytların tədbirlərində havayı oxumuşuq, biz müğənnilər. Cibimizdən salona, köməkçiyə pul ödəmişik sizin tədbirlərə gələndə. Hamımız əziyyətlə qazanıb ailəmizi dolandırıq, heç kəsdən rüşvət almırıq, heç kəsin cibinə girmirik. Əl çəkin bizdən!”.