Sfera.az "Qafqazinfo”ya istinadən xəbər verir ki, oyundan sonra millimizin futbolçusu Mahir Mədətov jurnalistlərə müsahibə verib. Mədətov öncə matçla bağlı fikirlərini bildirib:

- Qərarı baş məşqçi verir. Bu bizdən asılı olan bir şey deyil. Bizim işimiz var gücümüzlə məşq eləməkdir. Məşqlərimiz edirik və Qurban müəllim kiməşans verirsə, o da çıxıb meydanda hər şeyini ortaya qoymalıdır. Bu gün çətin matç oldu. Açıq oyun gedirdi. Bir az ehtiyatlı da davranırdıq. Hamı kompakt oynamağa çalışırdı. Hiss olunur ki, Kosovo əks hücumlara bel bağlayacaq. Maraqlı oyun alındı. Birinci oyun olduğunu nəzərə alsaq, pis keçmədi. Çalışacağıq ki, gələcək matçlarda oyunumuzun keyfiyyətini daha da artıraq.

- İkinci hissədə də oyuna eyni sxemlə çıxdıq. Bəlkə də həyəcan var idi. Birinci hissədə istədiyimiz oyunu sərgiləyə bilmədik. İkinci hissə isə bizim üstünlüyümüzlə keçdi. Yeni turnirdə ilk oyunumuz idi. Hələ öyrəşmə səviyyəsindəyik. Düşünürəm ki, Malta ilə matçda daha yaxşı nəticə qazanacağıq. 

- Futbolda hər şey olur. Kosovo yaxşı komandadır. Bunu etiraf etmək lazımdır. Biz də zəif deyilik.

- Hələ ki, Kosovo ilə oyunu analiz edirdik. Maltanın oyununu görməmişəm. Analiz edəcəyik. Səfərə qələbə üçün gedirik. Niyyətimiz qrupumuzu birinci pillədə başa vurmaqdır.

- Bəli. Təəccübləndim. Daha çox azarkeş gözləyirdim. Bu milli komandadır. Azərbaycan üçün oynayırıq. Ölkə üçün vacib turnirdir. Bu turniri keçsək, Avropa çempionatında oynamaq şansımız var. İnsan dəstək görməyəndə üzülür. Azarkeşlər "niyə oynamırlar?” deyirlər. Bəs onlar niyə gəlmirlər?