“Müxalifətin fəaliyyəti haqqında” Qanunda nələr əks olunacaq? – Təklif müəllifi olan deputatdan açıqlama
12:13 / 02.02.2022
1170
Millət vəkili
Fazil Mustafa ötən gün parlamentdə "Müxalifətin fəaliyyəti haqqında” qanunun qəbul
edilməsi ilə bağlı təklif irəli sürüb. Deputat bununla bağlı tezis və əsas
istiqamətlərin hazırlanaraq təqdim edildiyini deyib.
Deputat
təklif edilən qanun layihəsində əks olunan məqamlarla bağlı Sfera.az-a danışıb:
"Bu
qanun layihəsi ilə bağı məsələ parlamentdə vaxtı ilə Pənah Hüseyn tərəfindən də
qaldırılmışdı və tərəfimizdən təkliflər səsləndirilmişdi. Sözügedən layihədə əsas
məsələ parlament müxalifətinin fəaliyyəti, ikinci isə parlamentdən kənarda
qalan müxalifətin fəaliyyəti ilə bağlıdır. Burada əsas məsələ parlamentdə
müxalifətin təkliflərinin qeydə alınması, müxalifət qrupunun yaradılması
istiqamətində imkanların genişlənməsidir. Belə ki, bizdə fraksiya 25 nəfərdir və
bu say azalaraq, 10 nəfərə çatdırılıb. Bundan başqa müxalifətin alternativ
layihələrlə çıxış edə bilməsi və parlament idarəetməsində bəlli bir komitə və
komissiyalarda - intizam komissiyasında,
hesablama palatasında müxalifətin yerinin, müəyyən kvotasının olması lazımdır.
Qazaxıstanda "siyasi partiyaların fəaliyyəti haqqında qanun”da bu məsələ öz əksini
tapır. Onların parlamentinin daxili nizamnaməsi nəşr olunur ki, bununla da komitə
rəhbərliyi səviyyəsində təmsilçilikdə bir neçə komitədə rəhbərlik müxalifət təmsilçilərinə
verilir. Bizdə faktiki olaraq bu istiqamətdə bir sıra addımlar atılıb. Belə ki,
parlament rəhbərliyində, komitə rəhbərliyi səviyəsində müxalifət təmsil olunur.
Bunun artıq hüquqi təməlini qoymaq lazımdır ki, bu məsələ gələcəkdə sabit bir ənənəyə
çevrilsin”.
F.Mustafa
təklif edilən qanun layihəsi ilə müxalifətin fəaliyyətinin məhdudlaşdırılmayacağını
sözlərinə əlavə edib:
Əzizə
Zeynal
