Müğənni Adel ABŞ prezidentliyinə namizəd Donald Trampın onun mahnılarından istifadə etməsinə icazə vermədiyini açıqlayıb.

Axşam.az-ın xarici KİV-ə istinadən məlumatına görə, seçki kampaniyasında Adelin "Rolling in the Deep" və "Skyfall" mahnılarından istifadə edən Trampın bu hərəkəti ifaçının fanatları tərəfindən də birmənalı qarşılanmayıb. Adelin mətbuat xidməti "bu mahnıların hər hansı siyası təbliğatda istifadəsinə icazə yoxdur" açıqlamasını verib.

Qeyd edək ki, Adel 2011-ci ildə İngiltərənin Mühafizəkarlar Pariyasının sədri Devid Kameron üçün kobud ifadəsi ilə gündəmə gəlmişdi.

Qaçqınlara və İslama qarşı olması ilə seçilən D.Trampa bundan qabaq da qadağa gəlmişdi. Müğənni Neil Younq və "Aerosmith" qrupunun solisti Steven Tayler da mahnılarını ona qadağan ediblər.