“Millətini sevir, əli-ayağı təmizdir...” – Siyasətçilər AMEA-nın yeni rəhbəri kimi onun adını çəkdi
13:06 / 15.02.2022
9696
Xəbər verdiyimiz
kimi, Azərbaycan Milli Elmlər Akademiyasının (AMEA) prezidenti Ramiz Mehdiyev
ötən gün postundan istefa verib. Akademiyanın yeni
prezidenti postuna namizəd kimi göstərilənlər arasında isə bəzi şəxslərin şanslarının
daha yüksək olduğu iddia edilir.
Maraqlıdır, siyasi
partiya rəhbərləri bu mövzuda nə düşünür? "Boz kardinal”ı uğurla əvəzliyə biləcək
namizəd kimdir?
Ümid Partiyasının sədri
İqbal Ağazadə uğurlu namizəd kimi akademiyanın vitse- prezidenti İbrahim
Quliyevi görür:
"AMEA-da rəhbər vəzifəyə
uğurlu namizəd kimi vitse-prezident, akademik İbrahim Quliyevi görürəm. Mən
akademiyada praktika ilə elmi birləşdirməyin tərəfdarıyam. Mövcud idarəçilik
sistemində İbrahim Quliyevin vəzifəyə gətirilməsini istərdim”.
Azərbaycan Demokrat
Partiyasının sədri Sərdar Cəlaloğlu akademik Rafiq Əliyevin bu vəzifəyə gətirilməsini
istəyib:
"AMEA prezidentliyinə
ən uğurlu namizəd Rafiq Əliyevdir. O indi Kiprdədir, onu oradan geri çağırsalar,
çox yaxşı olar. Yerdə qalan digər variantlar, yəni şəxslərin vəzifəyə təyinatı
ilə heç nə dəyişməyəcək. Rafiq Əliyev yüksək əxlaqlı, dünya miqyaslı alimdir.
Millətini sevir, əli-ayağı təmizdir və belə birininin AMEA-ya rəhbər təyin
edilməsi bizə hava və su kimi lazımdır”.
Müasir Müsavat
Partiyasının sədri Hafiz Hacıyev barışdırıcı insan kimi Misir Mərdanovu yeni vəzifəyə
uğurlu namizəd kimi görüb:
"AMEA-da rəhbər
posta Misir Mərdanovun gətirilməsi yaxşı olardı, təcrübəlidir, təhsildən xəbəri
var. Akademiyadakı ziyalılar bu barədə fikirləşməlidirlər. Misir Mərdanov rəhbər
vəzifəyə keçsə, orada nizam-intizam yaranar. O, barışdırıcı insandır”.
Azərbaycan Kommunist
Partiyasının (AKP) sədr müavini Rauf Qurbanov isə bu mövzuda fikir bildirməyi
publikaya oynamaq kimi dəyərləndirib:
Əzizə Zeynal
