Azərbaycan Prezidenti İlham Əliyev Sankt-Peterburqda Rusiya prezidenti Vladimir Putinlə görüşüb.

 

Məlumata görə, prezidentlər arasında iki ölkənin əmtəə dövriyyəsinin azalması, həmçinin, bir sıra ikitərəfli münasibətlər müzakirə olunub.

 

Daha sonra Prezident İlham Əliyev Dağlıq Qarabağ münaqişəsi ətrafındakı vəziyyət haqda danışıb: "Qarabağda status-kvo qəbuledilməzdir və bunu dəyişdirmək lazımdır. Lakin bunun üçün erməni hərbi birləşmələri regiondan çıxmalıdır. Rusiyanın, eləcə də ATƏT-iin Minsk qrupunun digər həmsədrlərinin status-kvonun münaqişənin həllini ləngitdiyi ilə bağlı bəyanatı var. Biz bu bəyanatı tamamilə dəstəkləyirik”.

 

Prezident İlham Əliyev vurğulayıb ki, status-kvonu dəyişdirmək üçün 20 ildir işğal altında olan Azərbaycan azad olunmalıdır.

 

Azərbaycan lideri Vladimir Putinlə görüşdə Qarabağ münaqişəsini ətraflı müzakirə etmək niyyətində olduğunu bildirib.

 

"Biz ümid edirik ki, danışıqlar prosesinin konstruktiv dinamikası yaranacaq. Hansı ki, son iki ildə praktiki olaraq bu, mövcud deyildi”, - deyə Prezident vurğulayıb.