Sfera.az xarici mediaya istinadən xəbər verir ki, Çinin paytaxtı Pekində ictimai nəqliyyatda, ilk olaraq isə metroda üztanıma sisteminin işə salınması ilə bağlı qərarın qüvvəyə minməsi gözlənilir. Qərar qüvvəyə mindikdən sonra sərnişinlərin kartlarını tanıtmalarına ehtiyac qalmayacaq. Yeni sistem sərnişini üzündən oxuyaraq ona ictimai nəqliyyata minmək icazəsi verəcək.

Qeyd edək ki, Çin son zamanlar bir çox texnoloji yeniliklərə imza atıb. Belə ki, ötən aylarda Çin polisləri dünyada ilk dəfə olaraq kameralı xüsusi gözlüklərdən istifadə ediblər.