Gəncədə cəbhəyə dəstək aksiyası keçirilib - FOTO
12:53 / 05.04.2016
2060
Şəhərdə fəaliyyət göstərən ali, orta ixtisas təhsili müəssisələrinin tələbələri, sadə şəhər sakinləri erməni təxribatına qarşı cəsarətlə vuruşan Azərbaycan əsgərinin arxasında olduqlarını nümayiş etdirib. Kəpəz TV (Region TV) xəbər verir ki, Bayraq meydanında yeni salınan bulvar kompleksi boyu yürüş edənlər şəhid olan hərbçilərimizin, mülki şəxslərin ruhunu yad ediblər. Meydanda toplaşaraq, bir ağızdan dövlət himnimizi səsləndirən və əllərində üçrəngli bayraqlarımızı dalğalandıran gənclər "Qarabağ bizimdir, bizim olacaq!", "Ar olsun erməniyə", "Yaşasın Azərbaycan!" kimi şüarlar səsləndiriblər. Gənclər təşkil olunan yürüş-aksiya ilə cəbhədə qazanılan qələbələrdə müstəsna rol oynayan və düşmənə sarsıdıcı zərbələr endirən ordumuzun yanında olduqlarını bəyan ediblər.
