Sfera.az xəbər verir ki, final fitindən sonra yüz minlərlə adama küçələrə çıxıb. Paytaxt küçələrində təhlükəsizliyi 110 min polis əməkdaşı təmin etsə də, bayram sevinci tezliklə kütləvi iğtişaşa çevrilib. Gənclər vitrinləri sındıraraq mağazalardan spirtli içki butulkalarını götürüblər. Digərləri avtomobilləri aşırıblar. 

Gecə yarısı polis insanları şəhər mərkəzindən çıxarmağa çalışsa da, müqavimətlə üzləşib. Gənclər polisi daşa basıb, butulka atıblar. Polis cavab olaraq gözyaşardıcı qaz və su şırnaqları tətbiq edib.

Fransanın digər şəhərlərində qanun pozuntuları qeydə alınıb. Fruare şəhərində bir nəfər motosikleti iki uşağın üzərinə sürüb. Ansi şəhərində isə bir kişi Fransanın Xorvatiya üzərində qələbəsindən sonra körpüdən tullanıb və boynunu sındıraraq ölüb. Digər biri isə maşını ağaca çırparaq ölüb.

İğtişaşlar zamanı 8 nəfər saxlanılıb.

Qeyd edək ki, dünən Fransa millisi Xorvatiya üzərində 4:2 hesabı ilə qələbə qazanaraq 20 il fasilədən sonra yenidən dünya çempionu olub.

Rəsul