Ermənistanın “Laçın yolu” XOFU – “Sarkisyan təəccüblə deyib ki, yəqin 1 aya..."
14:14 / 20.04.2022
1196
"Ermənistan mətbuatında bu gün önə çıxan əsas məsələlərdən biri Laçın şəhərindən yan keçməklə yeni yolun tikintisidir. Bu ölkədə alternativ Laçın yolu haqqında isterika yaşanır”.
Sfera.az bildirir ki, bunu REAL partiyasının sədri Natiq Cəfərli deyib. O qeyd edib ki, may-iyun aylarında alternativ yolun açılışı gözlənilir və bu, çox vacib addımdır:
"Həm 10 noyabr anlaşmasında yer alıb deyə, Rusiya və Ermənistan gedişata mane ola bilmir, həm də Azərbaycan çox sürətlə işləri apardığına görə, Ermənistan reaksiya verməyə belə gec qalır. Alternativ yolun özəlliyi bir tək Laçın şəhərinin tam bizim nəzarətə keçməsi deyil. Ermənistanın "Laçın koridoru” adlandırdığı köhnə yoldan Xankəndinə müxtəlif kommunikasiya xəttləri gedir – işıq, qaz, internet və s.”.
N.Cəfərli bildirib ki, yeni yolda bu kommunikasiya xəttləri olmayacaq:
"Xankəndi şəhərimizin bütün təminatını özümüz həyat keçirəcəyik. İndi yeni yol üçün Həkəri çayı üzərindən körpü tikilir. Yaxınlıqda yerləşən kəndlərdən birinin sakini Sarkisyan təəccüblə deyib ki, elə bil Bakının yarısı burada işləyir, çox sürətlə çalışırlar, yəqin 1 aya işləri tamamlayacaqlar”.
Günay Rəsulqızı
Sfera.az