Ərdoğan: “Rusiyanın qərarı qəbuledilməzdir”

Ərdoğan: “Rusiyanın qərarı qəbuledilməzdir”
"Rusiyanın bu qərarını qəbuledilməz sayırıq. Tərəfləri sağlam düşüncə və beynəlxalq hüquqa riayət etməyə çağırırıq”.

Sfera.az "Haber Global”a istinadən xəbər verir ki, bunu Türkiyə Prezidenti Rəcəb Tayyib Ərdoğan söyləyib.

"Biz eyni zamanda Qara dəniz ölkəsiyik. Qara dəniz ölkəsi olduğumuza görə bir çox tədbirlər paketi hazırlanmalıdır. Qara dəniz ölkəsi olmanın bizə verdiyi məsuliyyəti bir kənara qoya bilmərik. Bu anlayışla yolumuza davam edəcəyik”, - dövlət başçısı vurğulayıb.

Qeyd edək ki, Rusiya 2014-cü ilin fevralında Ukraynanın Krım Muxtar Respublikasını ilhaq edib. Bundan sonra Ukraynanın Donbas bölgəsində hərbi əməliyyatlar başlayıb. Nəticədə Donetsk və Luqansk vilayətləri separatçıların nəzarətinə keçib. Döyüşlər Ukraynanın Silahlı Qüvvələri və Rusiyanın dəstəklədiyi qondarma Donetsk və Luqansk respublikalarının silahlıları arasında gedib. Rəsmi Moskva döyüşlərdə iştirakının olması ittihamını rədd edib.

Daha sonra 2020-ci ilin sonundan başlayaraq Ukrayna və Rusiya arasında münasibətlər daha da gərginləşməyə başlayıb, Donbasda təmas xəttində atəşkəsin pozulması mütəmadi xarakter alıb. ABŞ başda olmaqla Ukraynanın müttəfiqləri hərbi və maliyyə cəhətdən rəsmi Kiyevə yardım etsə də, münaqişəyə birbaşa müdaxilə etməyəcəklərini vurğulayıblar.

2022-ci ilin fevralın 21-də Rusiya Prezidenti Vladimir Putin xalqa müraciətində Ukraynanın Donbas ərazisində yaradılan iki qondarma respublikanı tanıdığını bildirib. O, bununla bağlı fərman imzalayıb.

Qərb ölkələri, o cümlədən Türkiyə və Gürcüstan Rusiyanın bu addımını pisləyib və bunun beynəlxalq hüquqa zidd olduğunu açıqlayıblar.

Azərbaycan daxil olmaqla, BMT üzvlərinin mütləq əksəriyyəti Krım yardımadası və Donbası Ukraynanın ərazisi olaraq tanıyır.

OXŞAR XƏBƏRLƏR

Putindən paradda diqqətçəkən AÇIQLAMA: “NATO Krıma hücuma hazırlaşırdı”

NATO ölkələri bizi eşitmək istəmədi. Onların tamamilə başqa planları var idi. Krıma hücum hazırlığı gedirdi”.  Sfera.az xəbər verir ki, bu barədə Rusiya P...

“Yəqin ki, bu həftə..." - Ərdoğandan Putinlə bağlı AÇIQLAMA

"Yəqin ki, bu həftə Putinlə görüşəcəyik”. Sfera.az bildirir ki, bunu Türkiyə prezidenti Rəcəb Tayyib Ərdoğan Böyük Çamlıca Məscidində bayram namazı zamanı...

Ermənistan müxalifəti İrəvanın mərkəzi küçələrini bağladı - FOTOLAR

Ermənistan müxalifəti bu gün səhər saatlarından İrəvanın mərkəzi küçələrini bağlamağa başlayıb. Sfera.az erməni mediasına istinadən xəbər verir ki, bu bar...

Putinin bu görüntüsü yenidən gündəmi alt-üst etdi: Niyə masadan yapışır? - FOTO

Ötən gün Rusiya Prezidenti Vladimir Putinin Müdafiə naziri Sergey Şoyqu ilə görüşündə çəkilən bir foto gündəm olub.   Sfera.az xəbər verir ki, görüş əsna...

Rusiya Mariupola nəzarəti ələ keçirdi: Şoyqu Putinə məruzə etdi - VİDEO

Kremldə Rusiya Prezidenti Vladimir Putin və ölkənin müdafiə naziri Sergey Şoyqu arasında görüş keçirilir. Bu barədə məlumatı "TASS” yayıb. Görüşdə Ş...

Vaxtanq Kikabidze Putinin gələcək taleyilə bağlı PROQNOZ VERDİ

Gürcü aktyoru, rejissoru və müğənnisi Vaxtanq Kikabidze Ukraynanı qətiyyətlə dəstəkləyən, Rusiyanın bu ölkəyə təcavüzünü pisləyən sənətçilərdəndir. Sfera....