ABŞ-da səfərdə olan Türkiyə prezidenti Rəcəb Tayyib Ərdoğan tıxacda qalıb.

"Qafqazinfo” türk mediasına istinadən xəbər verir ki, Nüvə Təhlükəsizliyi Sammitinə qatılan prezident Türkiyə və Amerika iş adamları ilə toplantıya qatılmaq üçün öz kortejlə yola çıxıb. Lakin amerikalı polislər aldıqları yanlış informasiya səbəbindən Ərdoğanın gəldiyi istiqamətdəki yolu kəsib və prezident bir müddət tıxacda gözləmək məcburiyyətində qalıb.

Yanlışlığı görən polislər yaranan tıxacı aradan qaldırdıqdan sonra prezident Ərdoğanın korteji yoluna davam edib.