Sfera.az xəbər verir ki, bu açıqlama ilə Türkiyə prezidenti Rəcəb Tayyib Ərdoğan çıxış edib. 

"Ölkəmizi sərmayə qoymağı fikirləşənləri çox təşviq edəcəyik. "Gözlə, görək nə olur” anlayışı ilə istehsalı dayandırsaq, "ehtiyat” deyərək ticarəti yavaşlatsaq əsil o zaman düşmənə təslim vəziyyətinə düşərik. Valyutaya doğru getsən, o zaman batarsan. Sən türksən, sən türk lirəsi ilə bərabər yoluna davam edəcəksən. 26 avqustda yenidən Malazgirtdən yenidən yola çıxacağıq. Yenidən bir diriliş olacaq, inşallah. 

2023-cü il hədəflərimizə çatdıqda adam başına düşən milli gəlirimizi iki dəfədən çox artıracağımız üçün vətəndaşlarımız iki qat varlı olacaqlar”.

Ərdoğan xaricdə oturub ölkəsini pisləməyə çalışan türklərə də münasibət bildirib:

"Bundan əmin olun ki, xaricdə sərf etdiyi əməyi və ortaya qoyduğu səyləri burada göstərən hər kəs ölkəmizdə daha yaxşı həyat səviyyəsinə çatacaq. Xaricdə səfalət içində həyatını davam etməyi seçən varsa, əlbəttə öz bildiyi işdir. Amma bununla qalmayıb, bir də ölkəsini qaralamağı seçənlərə biz "manqurt” deyirik. Bizim manqurtlara ehtiyacımız yoxdur”.