Rixter cədvəli üzrə 6,8-6,9 gücündə zəlzələ yenidən Ekvador sahillərində baş verib.

Oxu.Az İnterfaks-a istinadən xəbər verir ki, bu barədə Milli Geofizika İnstitutu məlumat yayıb.

Zəlzələnin episentri Muinse şəhərindən 25 km qərbdə Mampiçe yaşayış məntəqəsində 10 km dərinlikdə olub. Təkanlar, hətta Ekvadorun paytaxtı Kitoda hiss edilib.

Mütəxəssislərin sözlərinə görə, aprelin 16-da baş verən yüzlərlə insanın öldüyü güclü zəlzələnin təkrarı olan təkandan söhbət getdiyini istisna etmirlər.