Dünyanın ən yaşlı insanı vəfat etdi
14:29 / 25.04.2022
1352
Dünyanın ən yaşlı insanı sayılan Yaponiya vətəndaşı Keyn Tanaka 119 yaşında vəfat edib.
Sfera.az bildirir ki, 2 yanvar 1903-cü ildə ölkənin qərbindəki Fukuokada dünyaya gələn Tanakanın, yaşadığı qocalar evindən köçürüldüyü və müalicə aldığı xəstəxanada qocalıqla əlaqədar təbii səbəblərdən vəfat etdiyi açıqlanıb.
Ölkənin Səhiyyə, Əmək və Rifah Nazirliyinin məlumatına görə, Tanakanın ölümündən sonra Yaponiyanın ən yaşlı insanı Osakidən olan 115 yaşlı Tatsumi Fusa olub. Ginnesin Rekordlar Kitabı tərəfindən "dünyanın ən yaşlı insanı” kimi tanınacaq ada yaxın günlərdə aydınlıq gətiriləcək.
Günay Rəsulqızı
Sfera.az