"Cozef Baydenin Ukraynaya səfər edəcəyini düşünürəm" - Zelenski
18:27 / 17.04.2022
685
"Fikrimcə, ABŞ Prezidenti Cozef Bayden Ukraynaya gələcək". "Report” xəbər verir ki, bunu Ukraynanın dövlət başçısı Volodimir Zelenski CNN-ə müsahibəsində deyib.
"ABŞ liderinin səfəri təhlükəsizlik şəraitindən asılıdır. Bu, əlbəttə, onun qərarıdır. Amma hesab edirəm ki, o, Rusiyanın törətdiyi vəhşilikləri öz gözləri ilə görmək üçün Ukraynaya gələcək”, - V.Zelenski söyləyib.
O, həmçinin fransalı həmkarı Emmanuel Makronu Kiyevə dəvət edib: "Mən Rusiyanın törətdiyi vəhşilikləri şəxsən görmək üçün onu Ukraynaya dəvət edirəm. Bu səfər Fransa Prezidentinin Ukrayna xalqının soyqırımı ilə bağlı mövqeyini dəyişəcək”.
V.Zelenskinin fikrincə, E.Makron Rusiya ilə dialoq üçün bəzi addımlar atmaq istəyir.
Bir müddət əvvəl Fransa Prezidenti Ukraynada baş verənləri soyqırım kimi qiymətləndirsə də, sonradan bu fikirlərindən imtina etmişdi.
