“Boeing” şirkətinin səsdən 5 dəfə sürətli sərnişin təyyarələri - 7 saatlıq yol 50 dəqiqəyə enəcək
Texnologiya
18:33 / 29.06.2018
3976
Təyyarə istehsalı üzrə ən böyük istehsalçılardan biri olan "Boeing” şirkəti uçuş müddətini qısaltmaq üçün səs sürətindən 5 dəfə sürətli uça bilən təyyarə hazırlayır.
Sfera.az xəbər verir ki, "Boeing”in istehsal edəcəyi reaktiv sərnişin təyyarələri Mach 5 sürətinə, yəni saatda 6 min 276 km sürətə çata biləcək.
Bir dövrün ən sürətli təyyarəsi "Konkord”un sürətinin Mach 2 olduğunu nəzərə alsaq, hipersonik təyyarələrin səyahət vərdişimizi dəyişdirəcəyi bir reallıqdır.
Yeni modellər sərnişinlərin səyahət müddətini kifayət qədər azaldacaq. Məsələn bu gün London ilə Nyu-York arasında uçuş məsafəsi 7 saat çəkərkən, "Boeing Hypersonic” ilə bu müddət 50 dəqiqə davam edəcək. Ancaq bu sahədə araşdırma aparan tək firma "Boeing” deyil. "Konkordun oğlu” kimi tanınan dünyanın ilk özəl supersonik təyyarəsi AS2-nin 2021-ci ildə test uçuşlarına başlanılacaq.
Xatırladaq ki, əvvəllər Fransa və İngiltərənin birgə istehsal etdiyi "Konkord” təyyarələri ilə edilə supersonik uçuşlar 2000-ci ildə təyyarə qəzaları ilə bağlı dayandırılmışdı.
Rəsul
Sfera.az