Bakıda YENİ RANGE ROVER modelinin təqdimatı keçirildi - FOTO/VİDEO
11:58 / 26.04.2022
2268
Rahat, dəbdəbəli ən əsası ekoloji cəhətdən mükəmməl və orijinal lüks yolsuzluq avtomobili " Yeni Range Rover ” modelinin Bakıda təqdimatı keçirilib. Özündən əvvəlki nəsillə stilistik oxşarlığına baxmayaraq, sənayenin ən qabaqcıl texnologiyalarını özündə cəmləyən yeni yolsuzluq avtomobili tədbirdə iştirak edən qonaqları və avtomobil həvəskarlarını valeh edib.
Böyük Britaniyanın ən böyük avtomobil istehsalçısına məxsus yeni modelinin satışı "Jaguar Land Rover" avtomobillərinin Azərbaycanda rəsmi dileri olan "Avtolyüks-Azərbaycan” MMC tərəfindən, Aşıq Molla Cümə küçəsi 42B ünvanında həyata keçiriləcək.
Yeni "Range Rover”in korpusu 80% alüminiumdur və əvvəlki nəsil avtomobillərlə müqayisədə salonda 24% daha çox komfort hiss etmək mümkündür.
Range Rover zərif lüksün təcəssümü olmaq üçün hazırlanmışdır. Onun salonu yeddi nəfərə qədər sərnişini rahatlıqla qəbul edə bilər. Standart komplektasiyaya qabaqcıl güvən və rahatlıq texnologiyaları, o cümlədən tam ötürücülü təkərli idarəetmə həmçinin Terrain Response 2 sistemi daxildir.
Seçimlərə daxili dinamikləri olan 1600 vatt gücündə Meridian Signature audio sistemi, aktiv səs-küyün ləğvi, gücləndirici sükan həmçinin adaptiv kruiz-kontrol daxildir.
Əsas dəyişikliklər mühərriklərlə bağlıdır. İndi onların hamısı əlavə 48 voltluq şəbəkə ilə yumşaq hibrid sxemə uyğun olaraq çalışır. Əlavə olaraq hazırki mühərrik 530 at gücü hasil edən 4,4 litrlik ikiqat kompressorlu V8 benzindir.
Sonda qeyd edək ki, yaxın gələcəkdə Range Rover seriyasında hibrid versiya təqdim olunacaq və tam elektriklə işləyən versiya 2024-cü ildə debüt edəcək.
