Bakıda məşhur restoranda yanğın - FOTO/VİDEO
16:48 / 10.10.2018
2674
Bakıda restoranlardan birində yanğın hadisəsi baş verib.
İlk olaraq restoranın personalı yanğını söndürməyə çalışıb. Hadisə yerinə FHN əməkdaşlarının cəlb olunmasından sonra yanğın tamamilə söndürülüb.
Restoran administrasiyası yanğının elektrik naqillərində baş verən qısa qapanma nəticəsində meydana gəldiyini bildirib.
Sfera.az xəbər verir ki, Yenicag.az-ın hadisə yerində olan əməkdaşının məlumatına görə, hadisə paytaxtın Hüseyn Cavid prospekti, 147A ünvanında, "Qoç Ət” restoranlar şəbəkəsinə aid filiallardan birində qeydə alınıb.
Yanğın zamanı xəsarət alan olmayıb. Müştərilər dərhal təhlükəsiz şəkildə restorandan çıxarılıb.
Müəssisəyə dəyən maddi zərər hesablanır.