Sfera.az bildirir ki, bunu tanınmış hüquqşünas Aslan İsmayılov deyib. O həmçinin prezidentin sabiq köməkçisi Əli Həsənovla bağlı da ona qaranlıq qalan məsələlərin olduğunu vurğulayıb:

"Mənə aydın olmayan odur ki, Azərbaycan xalqına, dövlətinə düşmən olan, yüz milyonları mənimsəyən, Azərbaycan ictimai, siyasi həyatına tərbiyəsizlik, əxlaqsızlıq gətirən Əli Həsənovu bu gün kimlər qoruyur?! Bu gün Əli Həsənov qorunmasa, sadəcə onun tapşırıqlarını yerinə yetirən Vüqar Səfərli uzun müddətli həbsdə, o isə azadlıqda olmazdı. Axı onun cinayətləri elə Səfərlinin və onlarla digər şahidlərin məhkəmədə verdikləri ifadələrlə də sübuta yetirilib.

Necə olur ki, min manat mənimsəmişlər barədə Respublika Prokurorluğu bəyanatlar verir, yüz milyonları mənimsəmiş Əli Həsənovun oğlu Şamxalın adı Dubayda, ABŞ-da böyük bizneslərdə hallanır”.

A.İsmayılov sözügedən məsələnin artıq qanunsuzluq yox, xalqa, dövlətə açıq hörmətsizlik olduğunu vurğulayıb.