Arvadını baltalayan kişiyə hökm oxundu
19:00 / 23.02.2022
1005
Bakıda həyat yoldaşını öldürməyə cəhddə təqsirləndirlilən Şükür Mirzəyevin məhkəməsi yekunlaşıb.
Sfera.az xəbər verir ki, Bakı Ağır Cinayətlər Məhkəməsinin hökmü ilə o, 14 il müddətinə azadlıqdan məhrum edilib.
Qeyd edək ki, hadisə 2021-ci il sentyabrında Zabrat qəsəbəsində qeydə alınıb. Ş.Mirzəyev həyat yoldaşı Kəmalə Mirzəyevaya balta ilə zərbələr endirib.
Ona qarşı Cinayət Məcəlləsinin 29,120.2.2 (xuliqanlıq niyyəti ilə adam öldürməyə cəhd) və 29,120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddələri ilə ittiham irəli sürülüb.