AMEA-dakı milyonlarla yeyinti ilə bağlı cinayət işi qaldırılır?
13:16 / 15.02.2022
1976
"AMEA-da yeyinti ilə bağlı son günlər başlanmış yoxlamalar hamının diqqət mərkəzində olmalıdır”.
Sfera.az bildirir ki, bunu tanınmış hüquqşünas Aslan İsmayılov deyib. Onun sözlərinə görə, Respublika Prokurorluğu milyonlarla yeyinti olan AMEA-nın strukturları ilə bağlı cinayət işləri qaldırıb mənimsənilmiş vəsaitləri geri qaytarmalıdır:
"Heç kim mənə deməsin ki, AMEA-da olan yeyintilər başqa strukturlarla müqayisədə qəpik-quruşdur. Bunu mən də bilirəm. Ancaq onu da bilirəm ki, bir alimin min manat oğurlaması bir alverçinin milyonlar oğurlamasından da ağır cinayətdir. Özü də bu araşdırmalar təkcə Ramiz Mehdiyev dönəmini əhatəli etməli deyil, müstəqillik dövrümüzdə həqiqi alimlərimizin haqqını yeyib onları dilənçi vəziyyətinə salan hər kəsin fəaliyyəti araşdırılmalıdır”.
Xatırladaq ki, dünən Azərbaycan Milli Elmlər Akademiyasının (AMEA) prezidenti Ramiz Mehdiyev istefa verib.
Türkan
Sfera.az