Məşhur model Adriana Lima terrorla mübarizə aparan türkiyəli əsgərlərə və polislərə dəstək mesajı göndərib.

BiG.AZ xarici mətbuata istinadən xəbər verir ki, tanınmış model fikirlərini sosial şəbəkədə paylaşdığı 30 saniyəlik video ilə çatdırıb.

"Salam. Mən Adrianayam. Bu həssas vaxtlarda əsgərlərə, polislərə və onların ailələrinə öz dualarımı göndərirəm. Xahiş edirəm başınızı dik saxlayın və güclü olun. Hamınıza sevgilərimi yollayıram. Təşəkkürlər” – deyə Lima bildirib.

Qeyd edək ki, bundan əvvəl də türk millətinə hörmətini nümayiş etdirən Lima yanında olan türkün xahişini yerə salmayaraq əli ilə bozqurd işarəsi göstərmiş, bununla kifayətlənməyərək "auuuuu" səsi çıxarıb canavar kimi ulamışdı.