Sfera.az xəbər verir ki, Tramp nazirlərə təşəkkür etdikdən sonra "İclasa Pompeonun duası ilə başlayacağıq” deyərək dövlət katibinə söz verib. Pompeo isə əsgərlik vaxtları tez-tez oxuduğu duanı oxuyaraq iclasa başlamaq istədiyini bildirib.

"Ey Tanrı, atamız, ey insanın qəlbini axtaran, səmimiyyətinə və həqiqətə yaxınlaşmağımıza kömək et. Dürüstlükdə və təmiz düşüncədə iqtidarımızın gücünü artır” –sözləri ilə Pompeo duasına başlayıb.

Bir dəqiqəyə yaxın davam edən duadan sonra kabinet üzvləri Trampa gündəmlə bağlı qısa şərhlər verib. Daha sonra iclas mətbuata qapalı şəkildə davam edib.

ABŞ prezidenti dindar kimi tanınmasa da, başda yevangelist Mayk Pens olmaqla kabinet üzvlərinin dini ayinləri kameralar qarşısında etməsi mətbuatın marağına səbəb olub.