Sfera.az bildirir ki, 26 yaşlı cazibədar fenomen "Instagram”da paylaşdığı hər şeyin real olmadığını açıqlayıb. O, bu barədə "MailOnline”a danışıb. 

Kloe seksi alt paltarındakı fotoları üçün poza verərkən əslində özgüvənsiz olduğunu etiraf edib:

"İllərlə bədənim və görünüşüm haqqında nifrət dolu şərhlər yazandan sonra, indi mənə kompliment edən insanlara inanmıram. Düzdür, mən cazibədaram, amma çox güvənsizəm. Möhtəşəm göründüyümü düşünə bilərsiniz, lakin fotosessiya zamanı üsyan edirəm, seksi olmadığımı fikirləşirəm”.

Kloe, həmçinin deyilənlərin əksinə, dostlarının fərqli düşündüyünü də vurğulayıb: 

"Məsələn, ötən həftə istirahətə getmişdim, dostum "Ferri, həqiqətən gözəl görünürsən” desə də, mən "heç elə hiss etmirəm” deyə qarşılıq verdim. Üzərimdə ciddi təzyiq var. Mənə "kök və çirkin” deyənlər var. Televiziyaya çıxmamışdan qabaq ən özgüvənli insan olmuşam. Hər gün tənqid olunuram, psixoloji şiddətə məruz qalıram”.

Televiziya ulduzu tənqidlərə görə, estetik əməliyyatlara girdiyini də söyləyib: 

"Döş implantları, rinoplastika, yanaq və dodaq böyütmə də daxil olmaqla, bir neçə əməliyyat etdirmişəm. Bunu hər kəs bilir. Lakin əməliyyat olmağınız sizi pis bir insan etmir”.

Qeyd edək ki, Kloe Ferri İngiltərədə ən çox baxılan realiti proqramlarından biri olan "Geordie Shore" ilə tanınıb.