Türkiyədə dəhşətli cinayət hadisəsi qeydə alınıb.

Milli.Az "gazetevatan"a istinadla bildirir ki, 37 yaşlı Fatih K. 21 yaşlı narkotik istifadəçisi Songül Elçili qətlə yetirib. O, qadını boğub öldürdükdən sonra başına çəkiclə vurub, sonra da bədənini hissələrə ayırıb.

Fatihin məhkəməsi baş tutub. O, ifadəsində deyib:

"Narkotik istifadəçisi idi. Kafedə oturmuşdum, yanıma gəldi, acam dedi. Mən də peraşki aldım. Yedi, gözünün altı göyərmişdi, dərman sürtdüm. Bir az özünə gəldi. Sonra gördüm ki, cibindən narkotik çıxarır. Ondan niyə belə etdiyini soruşanda dedi ki, "fikir vermə, mən narkotik istifadəçisiyəm". Narkotiki qəbul etdikdən sonra qız dəyişildi. O, türkləri təhqir etməyə başladı. "PKK nə edirsə, əcəb edir, yaxşı olur sizə", - dedi. Dözmədim, boğdum, sonra çəkiclə başından vurub öldürdüm. Öldükdən sonra cəsədini hissələrə ayırdım".

Qatilin məhkəmədə soyuqqanlı halda ifadə verməsi hakimlərin diqqətini çəkib.

Fatih həbs olunub.

Qeyd edək ki, Fatihin neçə il müddətinə azadlıqdan məhrum edilməsi barədə məlumat verilmir.