Yevlaxda 2 avtomobil toqquşdu, 4 nəfər xəsarət aldı
22:00 / 19.03.2022
1645
Yevlaxda 4 nəfərin xəsarət alması ilə nəticələnən yol-nəqliyyat hadisəsi olub.
Sfera.az xəbər verir ki, hadisə rayonun Aran qəsəbəsi ərazisində qeydə alınıb. "VAZ-2106" və "VAZ-2107" markalı avtomobillərin toqquşması nəticəsində 4 nəfər xəsarət alıb.
Xəsarət alanlar Tərtər rayon sakinləri, 1992-ci il təvəllüdlü Əkbərli Tural Əjdər oğlu, 1990-cı il təvəllüdlü Quliyev Beyrək Asif oğlu və Yevlax rayon sakinləri, 1996-cı il təvəllüdlü İsmayılov Rəmzi Əkbər oğlu, 1991-ci il təvəllüdlü İsmayılov Anar Əkbər oğludur.
Xəsarət alanlar xəstəxanaya yerləşdiriliblər.
Onların vəziyyəti kafi qiymətləndirilir.
Faktla bağlı araşdırmalara başlanılıb.