Ukrayna raketləri “Moskva”nı vurdu – Rusiyanın qüruru necə batırıldı?
Dünya
13:20 / 14.04.2022
799
"Rusiya Qara Dəniz donanmasındakı flaqmanını itirməsi sadəcə biabırçılıqdır. Həm donanma adına, həm də dünya dövləti olmağı iddia edən Rusiya adına”.
Sfera.az xəbər verir ki, bu sözləri açıqlamasında siyasi şərhçi Turab Rzayev Ukrayna silahlı qüvvələrinin "Neptun” raketi ilə Rusiyanın Qara dəniz donanmasına məxsus "Moskva” kreyserini vurmasını şərh edərkən deyib.
Onun sözlərinə görə, gəmi güclü raket əleyhinə müdafiə sistemi RLS ilə təchiz edilmiş, "Fort" HHM sistemi və 6 AK-630 artilleriya qurğuları ilə müdafiə olunurdu:
"Bundan başqa gəminin bortu 64 ədəd S-300F Fort zenit raketi, 4 "Osa" ZRK, 36 zenit artilleriyası, 16 gəmi əleyhinə raket, 2 sualtı qayıq əleyhinə raket sistemi və bir döyüş helikopteri ilə təchiz olunmuşdu. Ukrayna "Moskvanı" batırmaq üçün çox da əziyyət çəkməli olmadı.
Başlanğıcda "Bayraktar TB2" RLS sistemini məhv etdi. Daha sonra gəminin gövdəsinə 2 ədəd gəmi əleyhinə "Neptun" raketi buraxılıb. Nəticə etibari ilə "Moskva”nın vurulması Ukrayna ordusu üçün böyük mənəvi, psixoloji və hərbi uğurdur”.