Uill Smitlə bağlı ağlagəlməz İDDİA
16:53 / 31.03.2022
1333
Bir neçə gündür gündəmdən düşməyən aktyor Uill Smitin psixoloji vəziyyətinin normal olmadığı iddia olunub.
Sfera.az bildirir ki, buna səbəb kimi evliliyində yaşadığı problemlər irəli sürülüb. "New York Post”da dərc olunan yazıya əsasən, cütlük artıq "çox münasibətlilik” haqqında dedi-qodulara və "sentologiya təriqətinə” aid olduqlarına dair iddialara dözə bilmir. Tənqidçilər hesab edir ki, Uill Smit keçən il evliliklərinin monoqamiyadan kənara çıxdığını elan edərkən bu şayiələri gücləndirib.
Digər tərəfdən, aktyorun Oskar kimi əhəmiyyətli bir mərasimdə səhnədə şiddət tətbiq etməsinin arxasında uşaqlıq illərində aldığı travmaların olduğunu da deyilir. Yaxın dostları aktyorun hələ 9 yaşında atasının anasını döydüyünün şahidi olduğunu və bununla bağlı heç nə edə bilməməyin ağır yükünü hələ də daşıdığını söyləyib. Oskar mərasimində Kris Rokun Cada Smiti ələ salmasının aktyoru uşaqlıq illərində yaşadığı travmaya sürüklədiyi bildirilib.
Xatırladaq ki, "Oskar” mərasimi zamanı komediya ustası Uill Smitin həyat yoldaşı Ceyd Pinkett-Smitin "heyranedici, çox qısa saçları" ilə bağlı zarafat edib. Smit oturduğu yerdən qalxaraq səhnəyə gedib və Rokun üzünə şillə vurub. O, sonra kreslosuna qayıdıb və oradan Roka söyüş söyüb. Bu zaman verilişin səsi kəsilib.
Türkan
Sfera.az
