ÜST rəhbəri pandemiyanın qısa müddətdə bitməsi üçün pul tələb etdi - MƏBLƏĞ
16:19 / 09.02.2022
2186
Ümumdünya Səhiyyə Təşkilatı koronavirusla mübarizədə lazımi vasitələri ehtiyacı olan ölkələrə
çatdırmaq və virusu nəzarət altına almaq üçün keçən il olduğu kimi 23 milyard
ABŞ dolları dəyərində yardım tələbini təkrarlayıb.
Sfera.az xəbər verir ki, ÜST-nin baş direktoru
Tedros Adhanom pandemiyanı fövqəladə vəziyyətdən qurtarmağın yolları barədə
danışıb:
"Elm sayəsində dünya koronavirus ilə
mübarizə alətlərinə çıxış əldə etdi. Bu vasitələr dünyada ədalətli şəkildə
paylansa, bu il virusu qlobal fövqəladə vəziyyət kimi aradan qaldıra bilərik", - deyə o, bildirib.
Təşkilatın internet saytında dərc edilən
açıqlamada mutasiyaların yaranmasına səbəb kimi peyvəndlərin qeyri-bərabər
paylanıldığı bildirilib. Vurğulanıb ki, peyvəndlərə və koronavirusa
qarşı mübarizənin digər vasitələrinə əlçatanlıqdakı qeyri-bərabərlik virusa görə
insan tələfatına səbəb olmaqla yanaşı, həm də yeni və daha təhlükəli
variantlarının ortaya çıxması riskinə səbəb olub.
Pandemiya ilə mübarizədə 2022-ci ilin
sentyabrına qədər yüksək və aşağı gəlirli ölkələr arasında maliyyə fərqini
aradan qaldırmaq üçün inkişaf etmiş ölkələrdən 16,8 milyard dollar tələb
edilib.
Əzizə Zeynal
