Şəmkirdə 2 avtomobil toqquşub, xəsarət alanlar var
11:14 / 29.03.2022
1789
Şəmkir şəhərində 2 nəfərin xəsarət alması ilə nəticələnən yol-nəqliyyat hadisəsi olub.
Məlumata görə, hadisə Şəmkir şəhər 1-ci küçə ilə 2-ci küçənin kəsişməsində qeydə alınıb.
"VAZ-2107" və "Mercedes" markalı avtomobillərin toqquşması nəticəsində "VAZ" markalı avtomobilin sürücüsü, 1998-ci il təvəllüdlü A.Hüseynov və "Mercedes" markalı avtomobilin sərnişini, 1993-cü il təvəllüdlü N.Quliyev müxtəlif bədən xəsarətləri alıblar.
Hər ikisi hadisə yerinə çağrılmış təcili tibbi yardım maşınları ilə xəstəxanaya aparılıblar.
Faktla bağlı araşdırmalara başlanılıb.