Rusiya ərzaq “müharibəsi”nə başlayır - Taxıl və şəkər ixracı məhdudlaşdırılır

Rusiya ərzaq “müharibəsi”nə başlayır - Taxıl və şəkər ixracı məhdudlaşdırılır
Rusiya Avropa İqtisadi İttifaqı (Aİİ) ölkələrinə taxıl məhsullarının, digər ölkələrə isə ağ şəkər və xam şəkərin ixracını bu ilin martın 31-nə kimi qadağan edib.
 
Sfera.az "TASS”a istinadən xəbər verir ki, bu barədə Rusiya İqtisadiyyat Nazirliyi məlumat yayıb. 
 
Rusiya hökumətinin açıqlamasına görə bu qərarlar ölkənin ərzaq təhlükəsizliyinin təmin edilməsinə yönəlib və mövcud şəraitdə daxili bazarın qorunmasına kömək edəcək. 
 
İqtisadi İnkişaf  Nazirliyinin məlumatına görə, taxılla bağlı məhdudiyyətlər buğda və meslin, çovdar, arpa və qarğıdalıya aiddir. Amma Sənaye və Ticarət Nazirliyi tərəfindən verilən ixrac icazəsi çərçivəsində istisna nəzərdə tutulacaq. 
 
Rusiyanın taxılla bağlı qərarı təəccüb doğurur. Çünki Aİİ ölkələri Rusiyanın müttəfiqidir. 
 
Digər tərəfdən, Rusiyada taxıl istehsalı daxili tələbatın 150 faizinə bərabərdir. Bu ölkə 2021-ci ildə dünyada ən çox taxıl ixrac edən ölkələrdən biri olub. Buğda ixracında isə lider mövqeyə malikdir. 
Rusiya hökuməti bildirir ki, Aİİ ölkələri rüsumsuz rejimdə lazımi həcmdə taxıl alıblar, buna görə də həmin ölkələrdə çətinlik yaranmayacaq.
 
Rusiya hökumətinin taxıl və şəkər ixracı ilə bağlı qadağasının payıza qədər uzadılması da mümkündür. Hökumətdə təklif edilir ki, Rusiyadan Aİİ ölkələrinə taxıl ixracı məhdudlaşdırılsın və bütün ölkələrə payıza qədər şəkər ixracı tamamilə qadağan edilsin. 
 
Hər iki məhsula qoyulan məhdudiyyətin uzadılması təklifi ciddi şəkildə əsaslandırılmır. Yalnız Rusiya əhalisinin şəkərə tələbatının artması və dünyada taxıla tələbatın yüksəlməsi əsas kimi göstərilir. 
 
Xarici ekspertlər isə hesab edir ki, Rusiyanın bu davranışları Qərbin sanksiyalarına cavabdır və burada məqsəd həmin məhsulların dünyada qiymətinin artmasına nail olmaqdır. 
 
Rusiya hökumətinin şəkərlə bağlı qərarı Azərbaycana təsiri olmayacaq. Ölkəmiz şəkərə olan tələbatının 90 faizindən çoxunu idxal hesabına təmin etsə də şəkərin az hissəsi Rusiyadan gətirilir, daha çox şəkər isə Braziliyadan idxal olunur.  

Vasif

OXŞAR XƏBƏRLƏR

Türkiyə ilə İsrail arasında təbii qaz kəməri çəkiləcək?

"İsraillə təbii qaz kəmərinin çəkilməsi qısa müddətdə mümkün deyil". Sfera.az xəbər verir ki, bu sözləri Türkiyə xarici işlər naziri Mövlud Çavuşoğlu deyi...

Rusiyadan QƏRAR - Ammonium nitratın ixracına qadağa qoydu

Rusiya hökuməti ammonium nitratın Avrasiya İqtisadi İttifaqının (Aİİ) hüdudlarından kənara ixracına qoyduğu qadağanı 2022-ci ilin mayın 1-dək uzadıb. Sfera...

Rusiya ərzaq “müharibəsi”nə başlayır - Taxıl və şəkər ixracı məhdudlaşdırılır

Rusiya Avropa İqtisadi İttifaqı (Aİİ) ölkələrinə taxıl məhsullarının, digər ölkələrə isə ağ şəkər və xam şəkərin ixracını bu ilin martın 31-nə kimi qadağan edib...

Rusiyanın üzləşdiyi çətinliklər: Neft satışında problemlər bu aydan başlayacaq – Baş nazirin müavini danışdı

Rusiyanın neft və qaz ixracında problemlər aprel müqavilələrindən başlanıb.   Sfera.az Rusiya mediasına istinadən xəbər verir ki, bu haqda açıqlamanı baş...

Rusiya-Ukrayna müharibəsi ABŞ-nin diqqətini bu ölkədən yayındıra bilmədi: "Sanksiyalara qoşulmasalar..."

"Dünyanın diqqəti Rusiyanın Ukraynaya işğalına və davam edən müharibəyə yönəlsə də, Vaşinqton-Pekin qarşıdurması da səngiməyib. ABŞ-ın ticarət naziri Cina Raymo...

Rubla ikinci zərbəni FED vuracaq

Sanksiyalar səbəbindən ucuzlaşan Rusiya rubluna daha bir zərbəni ABŞ mərkəzi bankı (FED) vuracaq.    Sfera.az xatırladır ki, sanksiyalardan sonra do...