Qeyd edək ki, ümumi partlayıcılardan fərqli olaraq, nüvə silahı ilə bütün bir şəhəri və ya ölkəni tamamilə məhv etmək mümkündür.

Maraqlıdır, dünyada neçə ölkə bu təhlükəli silaha malikdir?

Sfera.az Gundem.az-a istinadən bildirir ki, dünyada ən çox nüvə başlığına sahib olan ölkələr BMT-nin daimi üzvləridir. Lakin nüvə potensialını davamlı olaraq artıran səkkiz dövlət var. Bunlardan beşi "Nüvə Silahlarının Yayılmaması Müqaviləsi”nə əsasən "nüvə silahlı dövlətlər” kimi tanınır. 

Bildirək ki, nüvə silahını ardıcıl olaraq ABŞ, Rusiya  Böyük Britaniya, Fransa və  Çin əldə edib.

Hazırda bu silaha malik olan dövlətlərin ümumi siyahısı isə belədir:

ABŞ: 7000 (1750 aktiv)

Rusiya: 7300 (1790 aktiv)

İngiltərə: 215 (onlardan 120-si aktiv)

Fransa: 300 (280 aktiv)

Çin: 260 (Aktiv nömrə naməlum)

Hindistan: 100-120 arasında (aktivlərin sayı məlum deyil)

Pakistan: 110-130 arasında (aktivlərin sayı məlum deyil)

Şimali Koreya : 10  (aktiv say naməlum)

İsrail : 60-400 arasında (aktivlərin sayı bilinmir)

Almaniya : 20 (Aktivlərin sayı məlum deyil)

Türkiyə : Ümumilikdə 60-70 arasında (Aktivlərin sayı məlum deyil)

İtaliya: Ümumilikdə 70-80 arasında (aktivlərin sayı məlum deyil)

Belçika: 10-20 (aktivlərin sayı məlum deyil)

Hollandiya: 22 (aktivlərin sayı məlum deyil) 

Xatırladaq ki, müharibə tarixində nüvə silahı ilk dəfə İkinci Dünya Müharibəsində ABŞ tərəfindən istifadə edilib. 1945-ci ilin iyulunda ABŞ atom bombasını sınaqdan çıxardıqdan sonra Yaponiyanın Xirosima və Naqasaki şəhərlərinə partlayış gücü 20 min ton trotil partlayışına ekvivalent olan 2 bomba atıb. Bunun nəticəsində Xirosimada 200 minə yaxın adam ölüb və itkin düşüb. Sonralar isə şüa xəstəliyindən və yaralanmadan daha 35 min adam həyatını itirib.