Paşinyanın bu addımları müxalifəti etirazlara sövq etdi: Məxməri inqilabı ağ inqilab əvəzləyəcək?
Siyasət
16:51 / 03.05.2022
3202
"6 Aprel
2022-ci ildə Belçikanın paytaxtı Brüssel şəhərində Azərbaycan Prezidenti cənab
İlham Əliyev və Ermənistan Baş naziri Nikol Paşinyan arasında Avropa
İttifaqının vasitəçiliyi və iştirakı ilə görüş keçrildi. Bu görüş nəticəsində tərəflər
arasında sülh danışıqlarına başlamaqla bağlı razılıq əldə edildi. Həmin razılıq
Azərbaycanın irəli sürdüyü 5 baza prinsipi əsasında əldə edilmişdir. Bundan dərhal
sonra Azərbaycan və Ermənistan XİN başçıları arasında ilk dəfə birbaşa telefon
danışığı baş tutdu. Əlbəttə ki, proseslərin belə gedişi digər gücləri, xüsusilə
də Moskvanı və Tehranı ciddi narahat edirdi”.
Bu sözləri
Sfera.az-a açıqlamasında Beynəlxalq Münasibətlər və Diplomatiya Araşdırmaları Mərkəzinin
sədri Samir Hümbətov deyib.
Onun
sözlərinə görə, Brüssel görüşündən sonra, yəni 19 Aprel 2022-ci ildə Ermənistan
Baş naziri Nikol Paşinyanın Moskvaya iki günlük rəsmi səfəri baş tutdu:
"Bu səfər
çərçivəsində Paşinyan Rusiya Prezidenti Vladimir Putinlə görüşdü. Verilən
açıqlamalara görə həmin görüşdə ikitərəfli əlaqələr, Qarabağ məsələsi üzrə
yekun sülh sazişinin imzalanması üçün danışıqlar prosesi müzakirə edildi. Rusiya və
Ermənistan liderləri arasında baş tutan görüşdən sonra Paşinyanın verdiyi
açıqlamalarda artıq geri addım atma hiss edilməyə başlayırdı”.
Politoloqun
sözlərinə görə, Ermənistanda vəziyyət gərginləşməyə doğru gedir:
"Gözləniləndir
ki, burada iki ssenari işləyir.
1.
Rusiyanın sülhə mane olmaq üçün atdığı addım,
2.
Paşinyanın və mövcud hökumətin özünün pərdəarxası təşəbbüsü ilə baş tutan
addımlar.
Əlbəttə
birinci ssenari daha inandırıcı görünür. Ona görə ki, bölgədə sülhün olması
Rusiyanın maraqlarına ziddir və ona görə də bütün gücü ilə sülhə mane olmağa
çalışır. Rusiya XİN tərəfində verilən
açıqlamalarda da bu məsələ ilə bağlı Rusiyanın açıq narahatlığı hiss edilməkdədir.
Sanki Rusiya vaxt qazanmağa çalışır. Yəni Ukrayna məsələsi bitənə qədər sülhə
gedən yolu dondurmaq istəyir Qafqazda”.
S. Hümbətov
qeyd edib ki, Qərb üçün burada lazım olan məqam sülhün əldə edilməsidir:
"Əgər
belə olarsa, qərb ikitərəfli qazanacaq.
1. Nüfuz
qazanacaq,
2.
İqtisadi, daha dəqiq desək enerji təhlükəsizliyi qazanacaq.
Dünənə qədər
davam edən aksiyalarda artıq Ermənistanda 200 nəfərdən çox şəxs saxlanıb.
Görünür ki, bir müddət belə hal davam edəcək. Amma düşünmürəm ki, bu aksiyalar
Paşinyanı hakimiyyətdən sala bilsin. Ona görə ki, bir müddətdir davam edən
aksiyalarda demək olar ki, o dəqər də çox adam iştirak etmək istəmir. Bu isə
Paşinyan komandasının əlini gücləndirən amillərdəndir”.