Azərbaycan Premyer Liqasında 23-cü tur yekunlaşıb.
 
Sfera.az xəbər verir ki, turun son günündə iki qarşılaşma baş tutub. Əvvəlcə "Zirə" doğma meydanda "Səbail"i qəbul edib. Bu matç meydan sahiblərinin 2:1 hesablı qələbəsi ilə yekunlaşıb. Rəşad Sadıqovun komandasından Hamidu Keyta biri penaltidən olmaqla iki qola imza atıb. "Səbail"dən 90+5-ci dəqiqədə Nikolas Raysel fərqlənib. Legioner futbolçu 11 metrlik cərimə zərbəsini dəqiq yerinə yetirib.

Turun son görüşü "Bakcell Arena"da "Neftçi" və "Sabah" arasında baş tutub. Qarşılaşmada Samir Abasovun komandası minimal hesablı qələbəyə sevinib. Görüşün yeganə qolu isə elə "Sabah"ın müdafiəçisi Bəxtiyar Həsənalızadə öz qapısına vurub. 
 
Bu qələbədən sonra "Neftçi" xallarının sayını 44-ə çatdırıb. Turnir cədvəlinə isə 55 xalla "Qarabağ" başçılıq edir.
 
Turun ötən gün keçirilən görüşlərində isə aşağıdakı nəticələr qeydə alınmışdı.
 
"Qəbələ" - "Sumqayıt" 1:1
"Qarabağ" - "Şamaxı" 8:0
 
"Qarabağ" - 55, "Neftçi" - 44, "Zirə" - 39, "Qəbələ" - 35, "Sabah" - 32, "Şamaxı" - 20, "Sumqayıt" - 15, "Səbail" - 14