Əkiz uşaqlar ayrı-ayrı illərdə doğuldu - İnanılmaz HADİSƏ
15:51 / 04.01.2022
2839
ABŞ-da doğum edən
ananın əkizlərindən biri 2021-ci ildə, digər körpəsi isə 2022-ci ilin ilk dəqiqələrində, 15 dəqiqə
gecikmə ilə dünyaya gəlib.
Sfera.az
xəbər verir ki, uşaqlar ABŞ-ın
Kaliforniya ştatının Monterey şəhərində doğulub.
Fatima Madriqal
və Robert Trujillo əkiz körpələrinə qovuşmaq üçün Yeni il ərəfəsində Montereydəki
Natividad Sağlamlıq Mərkəzinə gediblər.
Fatima Madriqalın əkizlərindən biri Alfredo Antonio Trujillo
dekabrın 31-i saat 23:45-də dünyaya gəlib. Lakin Alfredonun əkiz bacısı Aylin Yolanda
Trujillo 00:00-dan sonra dünyaya gələrək ailəsini və qardaşını təəccübləndirib.
Ana
Madriqal körpələri haqqında verdiyi açıqlamada, "Bu mənim üçün çox qəribə hadisə
oldu. Onlar əkizdir, lakin ad günləri fərqlidir. Qızımın gecə yarısı dünyaya gəlməsi
məni çox təəccübləndirdi və çox sevindirdi”.
Tibb mərkəzinin
ailə həkimi Ana Abril Arias əkizlərin dünyaya gəlməsini karyerasının "ən
yaddaqalan” hadisələrindən biri adlandırıb.
Aylinin
2 kiloqram 14 qram, əkiz qardaşı Alfredonun isə 2 kiloqram 700 qram doğulduğu bildirilir.
Əzizə
Zeynal
