Sfera.az-ın məlumatına görə, araşdırma qrupu qan içərək yaşadıqlarına inanılan vampirlərdən ilham alıb. Belə ki, vampirlər kimi qanla gəncləşməyin mümkün olduğu müəyyən edilib. 

"Nature Aging” jurnalında dərc edilən yazıya görə,  tədqiqatlar zamanı gənc siçanların qanının qoca siçanlara köçürülməsi zamanı cavanlaşmanın baş verdiyi təsdiqlənib.

Siçan qanında "EV” adlanan hüceyrədənkənar veziküllərin əzələ hüceyrələrinə davamlı olaraq "Klotho" adlı zülal göndərdiyi aşkar olunub. Yaşlanan siçanlarda "EV”lərin zəiflədiyi və buna görə daha az zülal göndərildiyi bildirilib. Gənc siçanların qanının qoca siçanlara köçürülməsi nəticəsində yaşlı siçanlarda hüceyrə, toxuma, əzələlərin bərpası və cavanlaşması müşahidə olunub.