Sfera.az bildirir ki, bu barədə aktyorun ailəsi açıqlama verib. 

 

Məlumata görə, buna səbəb ulduza afaziya (xəstəlik və ya travma nəticəsində danışıq və yazılı dilinin işlənməsinə, formalaşmasına və qavranılmasına təsir göstərən bir pozğunluqdur) diaqnozunun qoyulmasıdır. 

Açıqlamada əfsanəvi aktyor Brüs Uillisin son vaxtlar səhhətində problemlər yaşadığı bildirilir.  Beynin bəzi hissələrində yaranan disfunksiyanın aktyorun nitq, danışıq tərzini anlama və oxuma-yazma kimi bacarıqlarına təsir etdiyi qeyd olunub.

Ailənin birgə açıqlamasında, həmçinin bu fikirlər öz əksini tapıb: 

"Ailəmiz üçün həqiqətən çətin vaxtdır və biz sizin sarsılmaz sevginiz, şəfqətiniz və dəstəyinizə görə minnətdarıq. Bu mərhələni güclü bir ailə birliyi ilə keçirik və onun pərəstişkarlarının da bunu bilməsini istədik. Çünki onun sizin üçün, sizin isə onun üçün nə demək olduğunu bilirik”.

Qeyd edək ki, 1989-cu ildə "Moonlighting” serialındakı Daivd Addison rolu ilə dünya miqyasında tanınan Brüs Uillis "Die Hard" kimi döyüş filmlərində və bir çox televiziya seriallarında rol alıb.