Laçın rayon sakini Bahadur İsmayılov Ağcabədi rayonunun Taxta Körpü qəsəbəsində yaşadığı evin həyətində münaqişə zəminində əmisi Əşrəf İsmayılovun baş nahiyəsinə dırmıqla xəsarət yetirib. Hadisə  aprelin 20-də baş verib.

 

Ağır xəsarətlər alan Əşrəf İsmayılov xəstəxanaya yerləşdirilsə də, 6 gün sonra dünən dünyasını dəyişib

 

Laçın rayon prokurorluğununun yaydığı məlumata görə aparılmış araşdırmalarla müəyyən edilib ki, zərərçəkmişin qardaşı oğlu Bahadur İsmayılov şəxsi münasibətlər zəminində aralarında yaranmış mübahisə zamanı dırmıqla Əşrəf İsmayılovun başına xəsarətlər yetirib. Nəticədə sonuncu almış olduğu

 

xəsarətlərdən qeyd edilən tarixdə xəstəxanada ölüb. Faktla bağlı laçın rayon prokurorluğunda cinayət məcəlləsinin qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda maddəsi ilə cinayət işi başlanıb. Bahadur İsmayılov şübhəli şəxs qismində tutularaq istintaqa cəlb edilib.