Ukraynada AES-də başlayan yanğın söndürüldü - YENİLƏNDİ
08:36 / 04.03.2022
2928
Yanğınsöndürənlər Zaporojye Atom Elektrik Stansiyasında baş verən yanğını söndürmək üçün yola düşüblər.
Sfera.az xəbər verir ki, bu barədə Ukrayna Fövqəladə Hallar Xidməti məlumat yayıb.
"Enerqodar şəhərindəki Zaporojye AES-də Fövqəladə Hallar Dövlət Xidmətinin bölmələri təlim binasında baş vermiş yanğının söndürülməsinə cəlb olunub. Fövqəladə Hallar Dövlət Xidmətindən 40 nəfər və 10 texnika cəlb olunub", - deyə məlumatda bildirilir.
Qeyd edək ki, Rusiya hərbçiləri Zaporojye AES-in birinci enerji blokunu atəşə tutub və nəticədə yanğın çıxıb.
***
Zaporojye Atom Elektrik Stansiyasının təlim korpusunda baş verən yanğın lokallaşdırılıb.
Bu barədə Ukrayna Fövqəladə Hallar Dövlət Xidməti məlumat yayıb.
Məlumata görə, xəsarət alan olmayıb.
***
Ukraynanın şərqində yerləşən Zaporojye atom elektrik stansiyasının (AES) təlim-tədris korpusunda baş verən yanğın söndürülüb.
Sfera.azUkrayna KİV-lərinə istinadla xəbər verir ki, bu barədə ölkənin Fövqəladə Hallar Nazirliyi məlumat yayıb. Məlumata əsasən, yanğın nəticəsində ölən və xəsarət alan olmayıb.
