Sfera.az bildirir ki, "Göztepe”də sürpriz qərarla ikinci dəfə prezidentlikdən getdiyini açıqlayan iş adamı Mehmet Sepil və rəhbərliyi cümə axşamı Urladakı obyektdə toplaşıb. Məlumata görə, İzmirə qayıdan Sepil məşhur rusiyalı iş adamı Roman Abramoviçin vəkili ilə Ankarada keçirdiyi görüşün təfərrüatlarını çatdırıb və klubun dəyəri bu toplantıda müəyyənləşib. 

Beynəlxalq "Deloitte Football Money League” şirkətinin "Göztepe” klubu üçün müəyyən etdiyi məbləğin 43-60 milyon dollar arasında olduğu ortaya çıxıb.  Sepil və heyətinin isə bundan daha yüksək bir rəqəmə qərar verdiyi bəlli olub. Digər tərəfdən, kubdan sızan məlumatlar arasında bazarlıq masasındakı rəqəmin 80-100 milyon dollar arasında olduğu bildirilib. Eyni zamanda 8 ildə təxminən 65 milyon dollar xərcləyən Sepilin Roman Abramoviçlə maddi məsələlərdən başqa, klubun funksiyaları ilə bağlı problemləri aradan qaldırmağa çalışdığı da məlum olub.