Ginnes Rekordlar Kitabının saytına görə, braziliyalı Uolter Ortman 15 yaşında işə düzəldiyi şirkətdə 84 ildən çox çalışıb.

 

Beş uşaqlı ailənin böyüyü olan Uolter ailəyə maddi yardım göstərmək üçün 1938-ci ilin yanvarında "ReneauxView"də çatdırılma üzrə köməkçi olaraq işə başlayıb.

 

Alman dilini bilməsi və novatorluğa can atması gəncin karyera pillələri ilə yüksəlmək şansını sürətləndirib. Vaxt keçdikcə o, satıcı, sonra satış meneceri vəzifəsinə yüksəlib.

 

2022-ci ilin aprelində Ortmanın 100 yaşı tamam olub və o, yüzillik yubileyini təkcə qohumları və dostları ilə deyil, həm də həmkarları ilə qeyd edib.

 

Bu müdrik, intizamlı və çalışqan insan 2019-cu ildə əmək kitabçasındakı iş stajı 81 il 85 gün olmaqla rekord qazanmağa müvəffəq olub.